Hargeysa (Up) Goob Joogayaashii Dalka Yimid Sidii Ay Isha Ugu Hayn Lahaayeen Doorashada Madaxtooyada Ee Dalka Ka Dhacday Sabtidii Aynu Soo Dhaafnay Ayaa Cadeeyay In Ay Ahayd Doorasho Si Xor Ah Oo Xalaal Ah Uga Dhacday Dalka, Waloow Bay Yidhaahdeen In Ay Meelaha Qaarkooda Ka Jireen Cabashooyin.

Goob Joogayaashan Oo Shir Jaraa’id Ku Qabtay Huteel Maansoor Ee Magaalada Hargeysa Ayaa Cadeeyay In Doorashadii Ka Dhacday Somaliland Ay Ahayd Mid Aan Dalal Badan Oo Dunida Laga Aqoonsan Yahay Ka Dhicin, Isla Markaana Waxa Ay Shacabka Reer Somaliland Ku Hambalyeeyeen Sida Fiican Ee Ay Uga Qayb Galeen Doorashadaas. Ilaaliyaashan Caalamiga Ah  Oo Isugu Jiray Kuwo Dunida Inteeda Kale Ah Iyo Kuwo Reer Somaliland Ah Ayaa Waxa Ka Wakiil Ahayd Hay’ada Progressio,

Waxaanay Badankoodu Isku Raaceen In Doorashadaasi Ay Si Xor Iyo Xalaal Ah U Dhacday Iyaga Oo Amaanta Ugu Badana Dusha Uga Tuuray Komishanka Doorashooyinka Hawsha Balaadhan Ee Ay Dhabarka U Riteen, Waxaanay Intaas Ku Dareen In Xisbiyada Laftoodu Ay Muujiyeen Karti Iyo Dedaal Amaanteedana Way Leeyihiinbay Yidhaahdeen.  Waxa Kale Oo Ay Guddidan Ay Sheegeen In Ay Jiraan Caruur Aad U Yaryar Kuwaas Oo Goobaha Ay Codbixintu Ka Socotay Codkooda Ka Dhiibanayay.

Kormeerayaashan Caalamiga  Ah Ayaa A Dhawaajiyay Isla Markaana Talo Ahaan Ugu Soo Jeediyay Komishanka Doorashooyinka Iyo Guddida Anshaxa  In Ay Ka Soo Warbixiyaan Isticmaalka Gaadiidka Ay Umudu Wada Leedahay, Shaqaalaha Dawlada Oo Ololaha Doorashada Ka Qayb Galeen Iyo In Ay Saxaafada Dawliga Ahi Ay U Adeegtay Dhinac Keli Ah, Waxa Kale Oo La Sheegayaa In Warbaahinta Madaxa Banaani Ay Iyada Lafteedu Dhinac Ujanjeedho.