Mudaneyaal/Marwooyin, 26 June 2010 hadii ilahay Aqbalo,Waxay ku beegan tahay Doorashadda Maddaxtooyadda Somaliland ee Shanta Sano ee soo socota. Waxaan akhriyay Qoraalo badan oo ay Qoreen Muwadiniin Somalilander ah, siiba Xeeldheereyaal iyo Aqoon Yahano ama Taageereyaal Xisbi. Qoraaladdaas badankooda Kuma cada tilmaan daacad ah ee Xisbi ama Hogaamiyaha laga yaabo inuu Madaxtinimadda ku Haboon yahay, marka loo eego Xaaladan Somaliland iyo Xulkan Musharixiinta ama Xisbiyadda. Qoraaladda Qaarkood

waxaa Halku dhig u ah Codkaaga ku Ciilbax(Ahmed Arwo). Kelmadaasi way ka reeban tahay Codbixinta, oo waxaa la yiraa:- waa guul daradda ugu wayn ee soo gaadha Dimoqraadiyadda, marka Shacabku si cadho ku jirto codkiisa u dhiibo, mana raagto oo horumar ma keento Dawladda hab Cadho ama Qabyaalad ku timaada. Saaxiibayaal cidna kama qarsoona, inay jirto Wax qabadan baddan ama Wax wali u dhiman Dawladda uu Hogaaminaya Muddane Daahir Rayaale iyo Axmed Yousuf, siiba Hab Xisaabeedka Hayadaha Dakhliga iyo guud ahaan Hawlo baddan oo u baahan in dib loo Xardho ama la Xariireeyo. Inkasta oo Madaxtooyadu u Dabranayd Golaha Sharcidajinta oo Mucaaridku iska maamulanayeen ama isku xeereen, Hadana Waa Xaqiiq in Mudadii Daahir/Axmed yuusuf la doortay Somalilnadna ay soo gaadhay meel Aduunka oo dhami Amaanay.
 
 
Hadii ay sidaasi Dhabtahay, uma baahnin inaan Hogaanka Bedelo ee waxaan u baahanahay inaan Hogaanka toosino,Somalilanderku waxay ku Tiraabaan Midho geed saaran, midho Guntiga kuugu jira looma Daadasho ama Kabaha Wasakhadda ayaa laga tirtaa ee looma tuuro. Xisbiyadda Mucaaridku siiba Kulmiye, waxay Cananaanta Ka bilaabeen, Xaaladda Goboladda Sool iyo Sanaag, oo ahayd Halkii uu Daahir Hogaaminta ka bilaabay, isla markaana aan wadda ognahay siduu Gacan degan iyo Garaad Suuban ugu Maamulay. Xisbiga Kulmiye waxuu had iyo jeer doonayay inuu Xaaladaha maamulo ee marna kama dhiiban Xal siyaaso iyo mid Dhaqantoona.