President of Somaliland

Dastuurka xisbiga

Somaliland V/president

2nd UDUB Convention

 

Latest News

Weftigii Madaxweynaha Somaliland Oo Si Layaable Loogu Soo Dhaweeyay Gobolka Hawd
Friday, 18 June 2010 17:19

Hargeysa (Up) Madaxweynaha Somaliland Md. Daahir Rayaale Kaahin iyo Wefti Balaadhan oo uu Hoggaaminayo ayaa galabta si weyn loogu soo dhaweeyay Magaalada Bali-gubadle ee Xarunta Gobolka Hawd,  Madaxweyne Rayaale, oo taageereyaasha xisbiga UDUB kala hadlay fagaaraha Khayriyada

 

 

ee Magaalada Bali Gubadle ayaa sheegay inuu aad ugu faraxsan yahay inuu soo maro degmada Bali gubadle oo noqotay xarun Gobol, waxaanu aad ugu mahad celiyay taageereyaashii sida aan kala hadhka lahayn ugu soo baxay soo dhaweyntiisa

  

Md. Daahir Rayaale Kaahin waxa kale, oo uu balan qaaday inuu Riigii Biyaha qodayay ee uu ka keenay dalka Imaaraadka Carabta uu u soo diri doono Gobolka Hawd, waxa kale oo uu sheegay inuu wadada isku xidha Baligubadle iyo Hargeysa samayn doono haddii uu ku guulaysto doorashada dalka ka qabsoomaysa 26-ka Bishan June.

  

Madaxweyne Rayaale markii uu soo gaadhay magaalada Baligubadle wuxuu socod ku soo maray illaa dugsiga dhexe ee Magaaladaasi halkaasi oo uu dadweyaha iyo taageereyaashiisa kala hadlay.

  

Sidoo kale, waxa halkaasi ka hadlay Badhasaabka Gobolka Hawd Cali Cawil Cabdi, oo Madaxweynaha uga waramay xaalada gobolkaasi ee dhinacyada kala duwan waxaanu sheegay in shacbiga gobolkaasi ay diyaar u yihiin inay la shaqeeyaan oo ay codkooda siiyaan xisbiga UDUB.

Madaxweynaha Somaliland wuxuu maanta ka hadlay fagaaraha khayriyada ee magaalada Gabilay, Wajaale, Allaybaday iyo Bali Cabane,halkaasi oo dhamaantood si weyn loogu soo dhaweeyay loona balan qaaday kalsooni buuxda in la siin doono marka la gaadho doorashada madaxtooyada.

Last Updated on Friday, 18 June 2010 17:26
 
Designed by: Somaliland ICT Solutions Ltd :: Send us an Email