Cerigaabo(Up) Wasiir kuxigeenka Qorshaynta Axmed Xaashi Cabdi iyo Xoghayaha Guud ee xisbiga Udub Jaamac Yaasiin Faarax Xoghayaha gaarka ee Madaxweynaha Axmed Maxamed Ciise iyo xubno kale oo weheliyey oo dhammaantood ka mid ah weftiga uu hoggaaminayey Madaxweynaha Jamhuuriyadda

Somaliland Md-Daahir Rayaale Kahin ayaa booqasho gaaban oo ay ku tageen xarunta Jaamacadda Sanaag ee Ceerigaabo ayaa waxay halkaas kula kulmeen maammulka jaamacaddan iyo Ardayda wax ka barata halkaas. Axmed Xaaji Aadan oo ka mid ah maammulka jaamacaadan (Research & Development Director) ayaa halkaas kaga warbixiyey marxaladaha kala geddisan ee jaamacaddani soo martay gaar ahaan caqabadihii la kulmay xilligii furitaankeeda iyo heerka wanaagsan ee maanta ay marayso,

waxayna mahad gaar ah halkaas ugasoo jeediyeen cid kasta oo gacan ka geysatey furitaankii jaamacaddan gaar ahaan Badhasaabka gobolka Sanaag Cali Cabdi Hurre Jaaliyadda Qurbe-joogt Sanaag ee USA oo uu kow ka yahay Ibraahin Nuur Madoobe iyo guddidii horumarinta gobolka Sanaag ee iyagu ahaa aasaasayaalkii jaamacaddan.  

Wasiir-kuxigeenka Qorshaynta Axmed Xaashi iyo xoghayaha gaarka ee madaxweynaha Axmed Maxamed Ciise oo iyaguna halkaas hadallo kooban ka jeediyey ayaa dhinacooda ballan qaaday arrimo ay ka mid yihiin Afar Professor-ro oo jaamacaddan debedda looga keeni doono iyo weliba shir-weyne caasimadda (Hargeysa) lagu qaban doono oo jaamacaddan dhaqaale loogu raadin doono.

Xoghayaha guud ee xisbiga Udub oo isaguna kulankaas ka hadlay ayaa si weyn ugu hanbalyeeyey heerka jaamacaddani maanta marayso iyo heerka adag ee ay kasoo gudubtey, sidoo kalena ku dheeraaday arrimaha siyaasadda ku waajahan waxqabadka xisbigiisan oo waxbarashadu ka mid tahay. Intaas kaddib su'aalihii Ardayda jaamacaddan wax ka barataa weydiisey madaxdan booqashada ugu tagtay oo nuxurkoodu ahaa in ay jiraan wax la taaban karo ooxilligan ay ku taageerayaan jaamacaddan ayaa waxay madaxda weftiga madaxweynaha ka tirsani ballan qaadeen inta aanay Ceerigaabo ka tegin in waxtarkoodu soo gaadhi doono jaamacaddan. 

 Dhanka kalena waxa uu maanta madaxweynhu oo ayaamahanba ku sugnaa magaalada Ceerigaabo uu kormeer ku soo maray degaano ka mid ah gobolka Sanaag gaar ahaan Ceel Afweyn iyo Gar'adag iyo goobo