London (UP) Shir balaadhan oo ay soo qaban qaabiyeen guddiga UDUB ee  bariga London oo  ay ka soo qaybgaleen xunbo ka tirsan guddiga fulinta ee UDUB UK oo ay ka mid yihiin Faysal climi, G/Xigeenka koowaad ahna sii hayaha xilka guddomiyaha, Mohamed Dahir xoghayaha Guud ee UDUB UK ,Guddomiyaha London Siciid Xassan Biixi, khasnajiga, Cabdi Daahir iyo

taageerayaasha xisbiga ayaa lagu qabtay xaafadda “Bethnal Green” ee bariga London, Axaddii oo taariikhud ahayd 28ka Feberwari 2010.  

Shirkaasi oo uu furay guddomiyaha East London Mustafe Ismail, waxa hogaaminayey Faysal Cilmi, G/xigeenka kowaad ahna sii hayaha gudoomiyanimada UDUBUK. G/Xogeenka iyo Xoghayuhu  waxay  taageerayaasha oo u badnaa mujaahidiintii ka qaybgashay dagaalkii dalka lagu xoreeyey si qotodheer uga warameen doorashada Madaxweynaha iyo ku xigeenkiisa ee inagu soo fool leh iyo kaalinta ay ka geli karaan, guud ahaan taageerayaasha qurbajoogu, gaar ahaana kuwa ku nool bariga London.

Guddigu waxay shirka uga warameen xaaladda guud ee UDUB gudo iyo dibadba.  Waxay ku baraarujiyeen taageerasha xisbiga UDUB muhimadda ay leedahay ilaalinta danta guud ee soomaalilaand, nabadgelyada iyo in ay u diyaar garoobaan doorasha soo socota.Waxa iyaguna su’aalo wax ku oola iyo talooyin soo jeediyey taageerayaasha xisbiga oo ballanqaaday inay si fiican ula shaqeeyaan guddiyada xisbiga haddii ay tahay heer deegaan iyo heer gobolba, waxan loo ballamay kulamo balaadhan oo danbe.